Pratobello" è una canzone popolare di lotta contro il tentativo, poi fallito, di creazione alla fine degi anni '60 di un poligono militare nel supramonte di Orgosolo.
Autore: N.G. Rubanu
Anno: 1969
Tematica: antimilitarista -antimperialista
Orgòsolo pro terra de bandidos
Fin’a eris da-e totu' fis connota
Ma oe a Pratobello tot’ unidos
Fizos tuos falado' sun in lota
Contra s’invasione militare
Ki a inie fi’ fachende rota
Invetzes de tratores pro arare
Arriban carrarmados e cannones
E trupas de masellu d’addestrare
Mandadas da-e sos solitos buffones
Ki keren ki rinascat sa Barbagia
Cun parcos pro sas mugras e sirbones
Naran puru ki sa zente est malvagia
Ki viven de furtos e ricatos
In sa muntannia infida e selvaggia
Pro ke finire custos malos fattos
E dare a sa Sardigna attera via
Custos buffones decidin cumpattos
De mandarene galu politzia
Sos contadinos e-i sos pastores
Ei tottu canta sa zente famia
Isetavan concimes e tratores
Pro aer pius latte e pius pane
Invetzes tottu an dadu a sos sennores
A Rovelli, Moratti e s'Agakane
Povèrinu e miseru s'anzone
K'isetta latte da-e su mariane:
d'issu poi si prèat su buccone
Orgòsolo fiera e corazosa
Totu canta sa popolatzione
Totu custu a cumpresu e minacciosa
E si arma' de vuste pro iscacciare
Cussa truppa fascists e odiosa
Ki custrint'est a segus de torrare
Lassande sas muntagnas e pianos
Atraversende de nou su mare.
Non ke banditos ma ke partigianos
An dimostradu a sos capitalistas
Ki solu chin su vuste e chin sas manos
Orgòsolo ke mandat a sos fascistas
Orgòsolo ke mandat a sos fascistas